Transcription
1
Monseigneur, jay receu voz lettres du dix septiesme du passé par
2
lesquelles mescrivés que monsieur de Vennes [Evènes] et monsieur du
3
Chastellar regarderront avec moy tochant la cherté, laquelle
4
n’extimés avoyr esté depuis le commencement que je fus
5
en ceste ville. Je vous asseure quil ne sen peult falloyr
6
que des quatre ou cinq premiers moys et mondit sieur
7
de Vennes le scait, qui arriva bien tost apprès nous.
8
Je le fus veoyr hier quil fut de retour en ceste ville.
9
Il me dit que jeudy, ilz porront regarder à ma
10perte, laquelle a esté depuis une année de [barré : s ] vint
11
solz tous les jours. Je dis du moyns et quant je
12
y en mettoys vint cinq, je ne mentiroys point. Vous
13
mavés donné Marcellin qui ne sert que monsieur de Gargas,
14
car jay ung aultre serviteur pour les aultres, tellement
15
quil fault à la cherté qui est que monsieur votre filz et
16
Marcellin et moy vivions sur centz francz, à quoy
17
m’avés escript quil fault que je ne conte ; à quoy je
18vous suplie, monseigneur, [barré : très h ] avoyr esgard et que oultre la
19
vie, il fault encores que je m’entretienne d’accoutrementz.
20
Je ne suis venu en ceste ville si non pour vostre regard et
21
pour vous faire service, et ce que je fais pour les aultres
22
cest à votre aveu, qui me faict vous suplier très humblement
23
quil vous playse avoyr esgard à ma pouvretté et à la bonne
24
volunté que jay de vous faire service tel que j’estime
25quen recepvois contentement. [barré : Mons ] Messieurs de Vennes et
26
du Chastellard vous en porront rendre bon tesmoniage. Sil
27
vous plaict vous escriviés à mondit sieur de Vennes qui me layse,
28
oultre ce quil vous playrra me donner pour les pertes passés, quelque
29
argent d’avance pour pouvoyr vivre de prévision et maquitter
30
[258 v°] de mes debtes et quelque peu pour mon entretenement,
31
et je continuerey si bien en ma charge que vous n’aurés
32
occasion de vous plaindre de moy. Lasseurance que jey de votre
33bonté et [barré : de ] bonne volunté me fera mettre fin à la presente, après
34
vous avoyr asseuré que monsieur de Gargas se porte fort
35bien, graces à Dieu. Il [barré : de ] sest reservé à vous escrire par
36
mondit sieur de Vennes.
37
Monseigneur, je prie Dieu vous donner en santé
38
très longue et très heureuse vie. De Paris, ce XVIIe fevrier
39
1574.
40
Votre très humble et obeissant
41
serviteur
42
Jean Besson